By एभरेष्ट अन्लाईन खबर 
एजेन्सी । इङ्लीस प्रिमियर लिग अन्तर्गत पछिल्लो खेलमा चौथो स्थानको चेल्सी वाटफोर्डसँग ४–१ ले पराजित भएको छ।
टिमोएउ बाकायोकोले ३०औँ मिनेटमा दोहोरो पहेँलो कार्ड पाएपछि दश खेलाडीमा झरेको चेल्सीले अन्तिम ६ मिनेटमा ३ गोल बेहोरेको हो । ट्रोए डिनेले ४२औँ मिनेटमा पेनाल्टीबाट गोल गर्दै घरेलु टोली वाटफोर्डलाई पहिले अग्रता दिलाएका थिए।
चेल्सीका लागि ८२औँ मिनेटमा एडेन हाजार्डले बराबरी गोल फर्काए । तर वाटफोर्डले त्यसपछि ३ गोल थप्दै जित हात र्पायो।
वाटफोर्डका लागि ८४औँ मनेटमा डाएल जनमातले गोल गर्दै २–१ को अग्रता दिलाए । त्यसपछि ८८औँ मिनेटमा जेरार्ड डेउलोफेउ र इन्जुरी टाइमको पहिलो मिनेटमा रोवर्ट पाएराले गोल गरे।
हारपछि २६ खेलबाट ५० अंक रहेको चेल्सी चौथो स्थानमा यथावत छ। उता २६ खेलबाट ३० अंक जोडेको वाटफोर्ड ११औँ स्थानमा छ।
