By एभरेष्ट अन्लाईन खबर 
इलाम । पूर्व प्रधानमन्त्री एवम नेकपा एमालेका वरिष्ठ नेता झलनाथ खनालले इलामको सूर्योदय नगरपालिका–९ रम्फोकस्थित राष्ट्रिय आधारभूत विद्यालयबाट मतदान गर्नुभएको छ । इलाम क्षेत्र नं १ का उम्मेदवार समेत रहनु भएका नेता खनालले बिहान ९ः४० बजे मतदान गर्नुभएको हो ।
म्तदानपछि संक्षिप्त प्रतिक्रिया दिंदै नेता खनालले संविधान कार्यान्वयनको महत्वपूर्ण उपलब्धि प्राप्त भएको बताउनुभयो । उहाँले प्रदेशसभा र प्रतिनिधिसभाको निर्वाचनपछि देश विकास निर्माण र आर्थिक समृद्धिको बाटोमा उन्मुख हुने बिश्वास व्यक्त गर्नुभयो । उहाँले भन्नुभयो, “देश महत्वपूर्ण र समृद्धिको उन्मुख हुने चरणमा छ, निर्वाचन भएपछि देशमा विकासको मूल फुट्छ ।”
नेता खनालले मतदाता लाइनमा बसेर शान्तिपूर्ण रूपमा मतदान गरिरहेको देख्दा आफू ज्यादै हर्षित र गौरवान्वित भएको अनुभूति व्यक्त गर्नुभयो ।
