By एभरेष्ट अन्लाईन खबर 
चितवन । बामगठवन्धनले चितवनको भरतपुरमा बृहत चुनावीसभा गरेको छ । सभामा एमाले अध्यक्ष केपीसहित पुत्रशोकमा रहनु भएका माओवादी केन्द्रका अध्यक्ष पुष्पकमल दाहाल प्रचण्ड लगायतका नेताहरु सहभागी हुनुहुन्थ्यो ।
सभालाई सम्बोधन गर्दै एमाले अध्यक्ष ओलीले अब वामपन्थी बहुमतीय सरकार गठनलाई कसैले रोक्न नसक्ने बताउनुभयो । उहाँले भन्नुभयो, ‘एमाले र माओवादी मिलेपछि मतदातामा उत्साह छाएको छ, ‘वामपन्थी बहुमतीय सरकार गठनलाई अब कसैले रोक्न सक्दैन ।’
उहाँले चुनावपछि माओवादी र एमाले एक हुने दाबी गर्दै पुराना कुरा बिर्सिएर पार्टी एकताको तयारी भइरहेको जानकारी दिनुभयो । ‘चुनावपछि माओवादी र एमाले एउटै हुन्छन् । भिन्न–भिन्न पार्टी हुँदा भिन्न विचार भए होला, पुराना कुरा बिर्सिएर हामी गठबन्धनमा छौँ’, ओलीले भने, ‘अब बुझ्नुहोस् हामी मिलिसक्यौं । ’
युद्धको समयमा माओवादी र एमालेबीचमा तिक्तता भएको तर, अहिले त्यो नरहेको ओलीको भनाइ थियो ।
सभमा माओवादी केन्द्रका नेता रामबहादुर थापाले बादलले पनि सम्बोधन गर्नुभएको थियो । पुत्रशोकमा रहनु भएका अध्यक्ष दाहाल मञ्चमा मात्रै बस्नु भएको थियो ।
