By एभरेष्ट अन्लाईन खबर 
कञ्चनपुर । कञ्चनपुरको बेलौरी नगरपालिकामा दुई समूहबीच खुकुरी हानाहानहुँदा ४ जना घाइते भएका छन । बेलौरी बजारबाट चार किलोमिटर पूर्व दक्षिणमा पर्ने गोकुलपुरमा दुई समूहबीच खुकुरी हानाहान भएको हो । स्थानीय एक पुल हाउसमा सामान्य विवाद चर्किदा खुकुरी हानाहान भएको हो । घटनामा बेलौरीका सुरेश खड्का, पुष्प कुँवर, सुरेन्द्र शाही र सुदीप खड्का घाइते भएका छन् ।
घाइते मध्ये सुरेशलाई काठमाडौं, पुष्प र सुरेन्द्रलाई कोहलपुरमा उपचारका लागि ल्याइएको छ । सामान्य घाइते सुदीपलाई सेती अञ्चल अस्पतालमा उपचारपछि घर पठाएको छ ।
खुकुरी हान्ने समूह फारार रहेकाले झगडाको कारण खुल्न नसकेको प्रहरीले जनाएको छ ।
