भाइटीकाको साइत कात्तिक ४ गते बिहान ११ः५१ बजे

काठमाडौं । यस वर्षको भाइटीकाको साइत कात्तिक ४ गते शनिबार बिहान ११ः५१ मा रहेको छ । नेपाल पञ्चाङ्ग निर्णायक समितिले भाइटीकाको साइत सार्वजनिक गर्दै सो दिन दिनभरी नै भाइटीकाका लागि उत्तम साइत भएको समेत स्पष्ट पारेको छ ।

समितिका अनुसार भाइटीकाका समय दाजुभाइले पश्चिम फर्केर बस्न र दिदीबहिनीले पूर्व फर्केर टीका लगाउन राम्रो हुन्छ ।
यस वर्षको यमपञ्चक अर्थात् तिहार पर्व असोज ३१ गते मंगलबारदेखि शुरु हुँदैछ । ३१ गते (कार्तिक कृष्ण त्रयोदशीका दिन) काग तिहार र धनवन्तरी जयन्ती, कात्तिक १ गते बुधबार कुकुर तिहार र नरक चतुर्दशी, २ गते बिहीबार लक्ष्मी पूजा, कात्तिक ३ गते शुक्रबार गाई, गोरु तिहार, कृषक र गोवद्र्धन पूजा एवं कात्तिक ४ गते शनिबार भाइटीका परेको छ ।

कुल परम्पराअनुसार कसैले लक्ष्मीपूजाको दिन बिहान पनि गाई पूजा गर्ने गरेका छन् । शास्त्रीय रूपमा गाईको पूजा भने कार्तिक शुक्ल प्रतिपदाकै दिन हुनुपर्ने समितिले जनाएको छ ।