By एभरेष्ट अन्लाईन खबर 
काठमाडौं । नेपाल निर्माण व्यवसायी महासंघका अध्यक्ष शरदकुमार गौचनको गोली हानेर हत्या भएको छ । काठमाडौं बानेश्वरको खरिबोटमा सोमबार गौचनको हत्या भएको हो ।
गौचन बा १३ ४९४८ नम्बरको प्राडो गाडी चढेर घरबाट बाहिर निस्किएको केहीबेरमै उनीमाथि गोली प्रहार भएको थियो । गोली लागेर घाइते गौचनलाई तत्काल सिभिल अस्पताल पुर्याएपनि उनलाई बचाउन सकिएन ।
गौचनमाथि गोली प्रहार भएपछि सिभिल अस्पताल परिसरमा गौचनका आफन्त, घरका सदस्य र निर्माण व्यवसायीहरु भेला भएका थिए ।
गौचनलाई गोली प्रहार गर्ने समूहको एकीन नभएको र घटनाबारे अनुसन्धान भइरहेको प्रहरीले जनाएको छ ।
