By एभरेष्ट अन्लाईन खबर 
पर्सा । तराई मधेशमा बहुमत हासिल गर्ने दावी गरिरहेको नेकपा एमाले भित्र उम्मेदवार चयनलाई लिएर तीव्र विवाद देखिएको छ । अशोज २ गते प्रदेश नम्बर २ मा हुन गैरहेको तेस्रो चरणको स्थानीय तह निर्वाचनमा उम्मेदवार चयनको विषयमा केही ठाउँमा विवाद उत्कर्षमा पुगेको छ ।
पर्सामा उम्मेदवार चयनमा असन्तुष्टि जनाउँदै एमालेबाट सांसद बनेका विचारी यादव नै धर्नामा बसेका छन् । वीरगन्ज महानगरपालिकाको वडा नं. २० मा रामकिशोर परागलाई उम्मेदवार बनाउनु पर्ने माग राख्दै उनी धर्नामा बसेका हुन । पर्सा २ का सांसद विचारी रामगढ्बास्थित पार्टी कार्यालय अगाडि धर्नामा छन ।
वडा कमिटीको सिफारिस र सांसदको सल्लाह नमानी शत्रुधन शुक्लालाई उम्मेदवार बनाएकोमा उनले आपत्ती जनाएका छन । यादव धर्ना बस्नेक्रममा केहीबेर कार्यालयमा तनाव समेत भएको थियो ।
पर्सागढी नगरपालिका, बहुदरामाइ र बिन्ध्यबासनी गाउँपालिका लगायतका स्थानमा पनि विवाद देखिएको छ ।
