By एभरेष्ट अन्लाईन खबर 
बिबिसि । भारत हरियाणाको पञ्चकुलास्थित एक अदालतले बलात्कार मुद्दामा दोषी ठहर धार्मिक गुरु गुरमित राम रहिमलाइ १० बर्षको जेल सजाय सुनाएको छ ।
१५ बर्षअघिको मुद्दामा केन्द्रीय जाँच व्युरोको विशेष अदालतले गत शुक्रबार राम रहिमलाई दोषी ठहर गरेको थियो । अदालतले सोमबार १० बर्ष श्रमसहितको जेल सजाय सुनाएको हो ।
सजाय सुनाउनुअघि पीडिततर्फका वकिलले रामरहिमलाई कडा सजाय सुनाउन माग गरेका थिए । डेरा सच्चा सौदाका प्रमुख राम रहिम गत शुक्रबार दोषी ठहर भएलगत्तै उनका समर्थकले हिंसा मच्चाएका थिए । हिांसमा ३१ ज्नाको ज्यान गएको थियो । उनका समर्थकले हरियाणाका बिभिन्न स्थानमा हिशांत्मक प्रदर्शन गरेका थिए ।
अदालतको फैसलापछि पुनः हिंसा भड्कन सक्ने आशंकामा हरियाणा, पन्जाव र दिल्लीमा सुरक्षा व्यबस्था कडा पारिएको छ ।
