By एभरेष्ट अन्लाईन खबर 
एजेन्सी,१९ असार ।
दक्षिण कोरियाली राष्ट्रपति मुन जाइ इनले गतहप्ता वासिङ्टन भ्रमणका क्रममा अमेरिकासँग‘चाप्लुसी तथा आत्मसमर्पण’ गरेको उत्तर कोरियाले आरोप लगाएको छ । उत्तर कोरियाली सरकारी दैनिक पत्रिका रोडोङ सिनममा प्रकाशित मुनको भ्रमण समिक्षामा नयाँ दक्षिण कोरियाली सरकारले‘कार्यभार सम्हाल्नु पहिले कुनै प्रष्ट नीतिबिना भ्रमण गरेर अमेरिकाबाट मानसिक दवाबको सामना’ गर्नुपरेको बताइएको छ ।
राष्ट्रपति मुनले अमेरिकाको पहिलो भ्रमणकै क्रममा कमजोर बिषयवस्तुसहित गएका कारण चाप्लुसी तथा आत्मसमर्पण गर्नुपरेको भनाई दक्षिण कोरियाली अधिकारीले खुलासा गरेको बताइएको छ । अब, उनीहरूको व्यबहारले कतै अमेरिकी पक्षधर नेतृत्वको अन्त्यहुने बेलाभएको त हैन भन्ने आशंका उब्जाएको पूर्व राष्ट्रपति पार्क ग्युन हेको शासनसत्तालाई देखाउदै जनाइएको छ ।
