By एभरेष्ट अन्लाईन खबर 
एजेन्सी । क्रिष्टियानो रोनाल्डोले इटालीयन क्लब युभेन्ट्सबाट खेलेको पहिलो खेलमा रेडकार्ड पाएपछि म्यान्चेस्टर युनाइटेडसँगको खेलमा सहभागी हुने वा नहुने भन्ने विषयमा अहिले चर्चा भइरहेको छ । च्याम्पियन्स लिगको पहिलो खेलमा १० खेलाडीमा सीमित भएको भ्यालेन्सियाविरुद्ध २—० गोल अन्तरको जित निकालेको थियो । उक्त खेलमा रोनाल्डोले भ्यालेन्सियाका जोइसन मुरिलोमाथि दुव्र्यवहार गरेपछि उनले रेडकार्ड पाएका थिए ।
च्याम्पियन्स लिगको नियमअनुसार रोनाल्डो तत्काललाई एक खेलमात्रै गुमाउने भएका छन् भने पछि पुनः उनले अन्य तीन खेल गुमाउन सक्ने सम्भावना रहेको छ ।
यो सिजनको पहिलो खेलमा रातो कार्ड पाएका रोनाल्डोले स्वीस फुटबल क्लब योङ्ग ब्वाइजसँगको अक्टोबर २ को खेल गुमाउने निश्चित भइसकेको छ ।
