प्रधानमन्त्री ओली र बेलायती प्रधानमन्त्री मेबीच भेटवार्ता, आपसी मित्रता र द्विपक्षिय हीतबारे छलफल

एजेन्सी । प्रधानमन्त्री केपी शर्मा ओलीले बिहीबार संयुक्त राष्ट्र संघको मुख्यालयमा बेलायती प्रधानमन्त्री थेरेसा मेसँग भेटवार्ता गरेका छन् ।  राष्ट्र संघ महासभाको ७३औँ अधिवेशनमा भाग लिन अमेरिकामा रहेका प्रधानमन्त्रीद्वय ओली तथा मे बीच भेट भएकाे हाे ।

उक्त अवसरमा नेपाल तथा बेलायतबीच शताब्दीयौँदेखिको मित्रता तथा द्वीपक्षीय सम्बन्ध स्मरण गरिएको संयुक्त राष्ट्र संघका लागि नेपाली स्थायी नियोगका कार्यवाहक राजदूत निर्मलराज काफ्लेले बताए । उनले व्यापार, लगानी तथा पर्यटनसहितका बहुक्षेत्रमा सहयोग बलियो बनाउने विषयमा पनि छलफल भएको जानकारी दिए ।