By एभरेष्ट अन्लाईन खबर 
एजेन्सी । इंग्लिस प्रिमियर लिग फुटबलमा चेल्सी र वेष्टह्यामबीचको खेल गोलरहित बराबरीमा सकिएको छ । लिग अन्तर्गत भएको खेलमा गोल गर्न नसक्दा चेल्सीले छैटांै खेलमा जित निकाल्न सकेन ।
वेष्टह्यामको घरेलु मैदान लण्डन रंगशालामा ७२ प्रतिशत बल आफ्नो नियन्त्रणमा लिए पनि पाहुना टोली चेल्सी गोल गर्न असफल भयो । एकपछि अर्को चेल्सीका प्रहारलाई वेष्टह्यामले विफल पारेको थियो ।
गोलरहित बराबरीपछि दुबै टोलीले अंक बाँडेका छन् । ६ खेलबाट १६ अंक जोडेको चेल्सी तेस्रो स्थानमा यथावत् छ । वेष्टह्याम ४ अंकसहित १७ औं स्थानमा छ ।
