By एभरेष्ट अन्लाईन खबर 
एजेन्सी । जापानमा सम्पन्न प्यान प्यासीफिक टेनिसको उपाधि क्यारोलिन प्लिल्सकोभाले जितेकी छन् । जापानकी नाओमी ओसाकालाई पराजित गर्दै चेक गणतन्त्रकी क्यारोलिनले उपाधि जितेकी हुन् ।
मेन एरेनामा भएको खेलमा २६ वर्षिया क्यारोलिनले केही दिनअघि पहिलो पटक युएस ओपन टेनिसको उपाधि जितेकी २० वर्षिया ओसाकालाई २–० को सेटमा पराजित गरेकी थिइन् । पहिलो सेटमा ६–४ को जित निकालेकी क्यारोलिनले दोस्रो सेटमा पनि ६–४ कै जित निकालेकी थिइन् ।
क्यारोलिनले सेमिफाइनलमा डोन्ना भेकिकलाई पराजित गर्दै फाइनलमा स्थान बनाएकी थिइन् भने ओसाकाले इटालियन जिर्ओगीलाई हराएकी थिइन् । क्यारोलिनले प्यान प्यासीफिक टेनिसको उपाधिसँगै यो वर्ष दोस्रो उपाधि उचालेकी हुन् । यसअघि उनले जर्मनीमा स्टुटगार्ट ओपनको उपाधि पनि जितेकी थिइन् ।
