By एभरेष्ट अन्लाईन खबर 
एजेन्सी । इन्टरनेसनल च्याम्पियन्स कप फुटबलमा स्पेनिस क्लब बार्सिलोना पराजित भएको छ । आइतबार बिहान भएको खेलमा इटालियन क्लब एसी मिलानले बार्सिलोनालाई १–० गोलले पराजित गरेको हो ।
एसी मिलानलाई जित दिलाउन आन्द्रे सिल्भाले निर्णायक गोल गरे । दुबै टिमले पहिलो हाफसम्म गोलरहित बराबरी खेलेका थिए । गोल गर्ने अवसर पाएपनि दुबै टिमले गोल गर्न भने सकेनन् ।
पहिलो हाफमा गोलरहित बराबरी खेलेको एसी मिलानले दोस्रो हाफमा भने उत्कृष्ट गोल गर्दै जित निकाल्न सक्यो । खेलको इन्जुरी समयमा सिल्भाले निर्णायक गोल गर्दै एसी मिलानलाई १–० को जित दिलाएका हुन् ।
बार्सिलोनाले एसी मिलानविरुद्ध दोस्रो रोजाईका खेलाडी मैदानमा उतारेका थिए ।
