By एभरेष्ट अन्लाईन खबर 
एजेन्सी । विश्वकप फुटबलअन्तर्गत समूह ‘ए’ मा भएको खेलमा आयोजक रसियाले लगातार दुई खेलमा जित हात पार्दै प्रि क्वार्टरफाइनलमा स्थान सुरक्षित गरेको छ ।
इजिप्टलाई ३–१ गोलअन्तरले पराजित गरेसँगै रसिया प्रिक्वाटरफाइनलमा पुगेको हो । लगातार दोस्रो हारसंगै इजिप्ट भने बाहिरिने स्थितिमा पुगेको छ ।
पहिलो खेलमा साउदी अरबलाई ५–० गोलअन्तरले पराजित गरेको रसियाले दोस्रो खेलमा इजिप्टलाई ३–१ गोलले पराजित गरेको हो । रसियाको जितका लागि डेनिस चेरिशेभ र आर्टिम ज्युबाले गोल गरे भने एक गोल उपहार स्वरुप पाएको थियो । त्यस्तै, इजिप्टका लागि मोहमद सलाहले एक गोल फर्काए ।
