By एभरेष्ट अन्लाईन खबर 
बिबिसि । क्रिष्टियानो रोनाल्डोलाई टक्कर दिदै स्पेनिस ला लिगा क्लब बार्सिलोनाका स्टार स्ट्राइकर लियोनल मेस्सीले गोल्डेन–सू अवार्ड जितेका छन् ।
गएको सिजनमा ला लिगा अन्तर्गत सबैभन्दा बढी गोल गरेका मेस्सीलाई बार्सिलोनामा आयोजित अवार्ड वितरण समारोहमा गोल्डेन–सू अवार्ड प्रदान गरिएको हो । मेस्सीले गएको सिजन ला लिगामा ३७ गोल गरेका थिए । यो अवार्ड जितेसँगै मेस्सीले क्रिष्टियानो रोनाल्डोको कीर्तिमानसँग बराबरी गरेका छन् ।
मेस्सीले चौथो पटक सर्वाधिक गोलकर्ताले पाउने गोल्डेन–सू अवार्ड जितेका हुन् । यो सिजन मेस्सी लिगमा निकै फर्ममा देखिएका छन् । तर रोनाल्डो भने ला लिगामा यो सिजन गोलको हिसाबमा कमजोर छन् ।
अघिल्लो वर्ष सिजन यो अवार्ड लिगमा ४० गोल गरेका बार्सिलोनाका लुइस स्वारेजले जितेका थिए । उनै स्वारेजले मेस्सीलाई अवार्ड प्रदान गरेका हुन ।
