By एभरेष्ट अन्लाईन खबर
काठमाडौं । रसियाका किर्तिमानी बेस जम्पर भालेरी रोजोभको आमा डब्लम हिमालबाट हामफाल्ने क्रममा मृत्यु भएको छ । ५२ वर्षीय रोजोभ सात महादेशका सात अग्ला हिमालबाट हामफाल्ने योजनामा थिए । हामफाल्दा हिमालको भित्तामा ठोक्किएर उनको मृत्यु भएको हो ।
सन् २०१३ मा सगरमाथाबाट हाम फाल्दै उनले नयाँ विश्व किर्तिमान बनाएका थिए । यतिबेला उनले विङसुटको प्रयोग गरेर सगरमाथामा ७,२२० मिटर उचाइँमा रहेको चाङस्ते चुचुरोबाट हाम फालेका थिए । त्यसको तीन वर्षपछि चो ओयु हिमालमा ७,७०० मिटरको उचाइँबाट हाम फालेर आफ्नै किर्तिमान भंग गरेका थिए ।
