By एभरेष्ट अन्लाईन खबर 
काठमाडौं । आईसीसी विश्व क्रिकेट लिग च्याम्पियनसिप अन्तर्गत हङकङसँगको खेलका लागि कप्तान पारस खड्काको नेतृत्वमा नेपाली टिमको घोषणा भएको छ । घोषणा गरिएको टिममा १४ सदस्य रहेका छन । ४ खेलाडीलाई वैकल्पिकको रुपमा राखिएको छ ।
हङकङसँगको खेलका टोलीमा पर्ने खेलाडीमा कप्तान पारस खड्कासँगै उपकप्तान ज्ञानेन्द्र मल्ल, शरद भेषवाकर, बसन्त रेग्मी, सागर पुन, विनोद भण्डारी, करण केसी र सोमपाल कामी रहेका छन् । त्यस्तै सुशील कंडेल, कुशल भुर्तेल, सुसन भारी, आरिफ शेख, दिपेन्द्र सिंह ऐरी र सन्दिप लामिछाने पनि टोलीमा छन । वैकल्पिकमा कुशल भुर्तेल, नरेश बुढाएर, जितेन्द्र मुखिया र मेहबुब आलम रहेका छन् ।
नेपालले आईसीसी विश्व क्रिकेट लिग च्याम्पियनसिपको छैठौ चरणको खेल अन्तर्गत हङकङसँग उसैको घरेलु मैदानमा आगामी अक्टोबर १३ र १५ तारिखमा खेल्दैछ ।
हङकङसँगको खेलको तयारी गर्न नेपाली टोली हाल भारतको चेन्नईमा छ । च्याम्पियनसिपमा नेपाल छैटौँ स्थानमा रहेको छ । नेपालले १० खेलबाट ४ खेलमा जित र ६ खेलमा पराजित हँुदै ८ अंक जोडेको छ । च्याम्पियनसिपमा हङकङ चौथो स्थानमा रहेको छ । हङकङको १० खेलबाट ११ अंक रहेको छ । च्याम्पियनसिपको शीर्ष स्थानमा नेदरल्याण्ड, दोस्रोमा पपुवा न्युगिनी र तेस्रोमा स्कटल्याण्ड रहेका छन् ।
नेपाल अन्तिम ४ मा पर्दै विश्वकप छनोटमा स्थान बनाउनका लागि हङकङलाई पराजित गर्नै पर्ने हुन्छ । नेपालले हङकङपछि आफ्नो अन्तिम खेल युएईसँग खेल्नेछ ।
