By एभरेष्ट अन्लाईन खबर 
काठमाडौं । फेसबुकमार्फत ठगी गर्ने सोलुखुम्बुकी एक युवती पक्राउ परेकी छन् । विदेशी गिरोहसँग मिली दर्जनौं नेपालीलाई ठग्न पल्केकी ३३ बर्षीया आङलेमी शेर्पालाई प्रहरीले पक्राउ गरेको हो ।
शेर्मा हाल काठमाडौं बौद्धमा बस्दै आएकी थिइन । शेर्पालगायतका व्यक्तिले विदेशबाट महँगो पार्सल पठाएको भन्दै फोन गर्न लगाउने र त्यसका लागि भन्सार शुल्क चाहिने भन्दै भारतबाट फोन गर्न लगाई पैसा मगाएर ठगी गर्दै आएको केन्द्रीय अनुसन्धान व्युरोले जनाएको छ ।
हालसम्म त्यस्तो गिरोहले ३४ जनाबाट ४३ लाख रुपैयाँ ठगी गरिसकेको प्रहरीले जनाएको छ । शेर्पा सहकारीमा पनि कार्यरत रहेको प्रहरीले जनाएको छ ।
