By एभरेष्ट अन्लाईन खबर 
एएफपी । रियल म्याड्रिडका स्ट्राइकर क्रिस्टियानो रोनाल्डोले स्पेनमा करका बिषयमा अनावश्यक झमेला भएको बताउँदै इङल्याण्ड फर्कने इच्छा व्यक्त गरेका छन । स्पेनी रेडियो स्टेसन क्याडेना सेरले रोनाल्डोलाइ उदृत गर्दै यो कुरा सार्वजनिक गरेको हो ।
रियल म्याड्रिड क्लबका तर्फबाट खेल्दै आएका पोर्चुगाली खेलाडी रोनाल्डोमाथि कर छलीको आरोप छ । उनलाइ पुनः सोमबार अदालत सुनुवाईका लागि बोलाएको छ । रोनाल्डोमाथि १ करोड ७३ लाख अमेरिकी डलर बराबरको कर छली गरेको आरोप छ ।
स्पेनमा उच्च तहका सवै फुटबल खेलाडीमाथि कर छलीको आरोप लाग्ने गरेको छ । रोनाल्डोले आफूले कर छलेको नभइ आफ्नो प्रसिद्धिमा प्रभाव पार्ने अभिप्रायले मात्र यो प्रपञ्च रचिएको बताएका छन ।
चार पटकसम्म विश्व विजेता बनेका रोनाल्डोले सामाजिक सञ्जाल इन्सटाग्राममा लेखेका छन, ‘ मेरो चमत्कार र ख्यातिले मानिसलाई के बिगारेको थियो । कीराहरूले मात्र बत्ती र उज्यालोलाई आक्रमण गर्छन् । ’
