By एभरेष्ट अन्लाईन खबर 
काठमाडौं । रवि पासवान र भरत शाहको गोलमा नेपाल पुलिस क्लबले ‘ए’ डिभिजन लिगअन्तर्गतको खेलमा च्यासल युथ क्लबमाथि २–० को जीत हासिल गरेको छ ।
सशस्त्र प्रहरी बलको हल्चोकस्थित मैदानमा सम्पन्न खेलको ३८औं मिनेटमा गोल गर्दै रविले पुलिसको खाता खोलेका थिए । समय सकिन एक मिनेट बाँकी रहँदा भरतले गोल गर्दै पुलिसको जीत पक्का गरे ।
जितपछि पुलिसले चार खेलमा ७ अंक जोडेको छ भने च्यासल ४ अंकमै सीमित छ ।
