By एभरेष्ट अन्लाईन खबर 
एजेन्सी । विश्वकप फुटबलमा क्वाटरफाइनलबाटै बाहिरिएको ब्राजिलले एल साल्भाडोरसँगको मैत्रीपूर्ण खेलमा उत्कृष्ट नतिजा निकालेको छ ।अमेरिकाको मेरील्याण्डमा भएको खेलमा नेइमारसहितको ब्राजिलले एल साल्भाडोरमाथि ५–० को जित निकालेको हो । ब्राजिलको जितमा रिचार्लिसनले दुई तथा नेइमार, फिलिप कोन्टिन्हो र मार्क्वीनहोसले एक एक गोल गरे ।
चौथो मिनेटमा नै पाएको पेनाल्टीमा नेइमारले गोल गर्दै ब्राजिललाई सुरुवाति अग्रता दिलाए । रिचार्लिसनले १६ तथा कोन्टिन्होले ३० औँ मिनेटमा गोल गरेपछि पहिलो हाफमा ब्राजिलले ३–० को अग्रता लियो ।
५० औँ मिनेटमा रिचार्लिसनले व्यक्तिगत दोस्रो गोल गर्दै अग्रता बढाए । ९० औँ मिनेटमा मार्क्वीनहोसले गोल गरेपछि ब्राजिल ५–० ले विजयी भयो ।
