By एभरेष्ट अन्लाईन खबर 
एजेन्सी । क्रिकेट अस्ट्रेलियाका प्रमुख कार्यकारी जेम्स सदरल्याण्डले राजीनामा दिने घोषणा गरेका छन् । १७ वर्षदेखि क्रिकेट अस्ट्रेलियको प्रमुख कार्यकारीको रुपमा रहँदै आएका जेम्सले राजीनामा दिने घोषणा गरेका हुन् ।
उनले भनेका छन्, ‘पद छोड्नका लागि यो उपयुक्त समय लागेको छ ।’ तर उनले बल–टेम्परिङ्ग काण्डका कारण आफूले राजीनामा भने नदिएको स्पष्ट पारेका छन् ।
बल–टेम्परिङ्ग काण्डले अस्ट्रेलियाली क्रिकेटमा तहल्का मच्चाएको थियो । जसका कारण पूर्व कप्तान स्टीभन स्मिथसहितका तीन खेलाडीमाथि प्रतिबन्ध पनि लाग्यो ।
गएको मार्चमा दक्षिण अफ्रिका भ्रमणको बेला भएको बल–टेम्परिङ्ग काण्डमा दोषी पाइएका पूर्व उप कप्तान डेविड वार्नर र ब्याट्सम्यान क्यामरन बेनक्रोफ्टमाथि पनि प्रतिबन्ध लागेको छ ।
राजीनामाको घोषणा गरेका जेम्स आफ्नो ठाउँ लिने व्यक्ति खोजी हुन्जेल पदमा रहने छन् ।
