प्रदेश २ का मुख्यमन्त्रीलाई लक्षित गर्दै संसदमा प्रधानमन्त्रीले भने–‘ मोदीको अभिनन्दन समारोहमा अभिव्यक्त बिचार सरकारको नीति र कुटनीतिक मर्यादा बिपरित’

काठमाडौँ ।  प्रधानमन्त्री केपी शर्मा ओली  संसदमा सम्बोधन गर्दै भारतका प्रधानमन्त्री नरेन्द्र मोदीको दुई दिने राजकीय नेपाल भ्रमणका बारेमा सदनलाई जानकारी दिएका छन् ।

मोदीको भ्रमणको समयमा नेपाली जनताले देखाएको चासो र टिप्पणी प्रति धन्यवाद दिँदै प्रधानमन्त्री ओलीले जनकपुरमा मोदीको नागरिक अभिनन्दनको क्रममा अभिव्यक्त भएका केही कुराहरु राष्ट्रिय र कुटनीतिक मर्यादाको कसीमा कमजोर रहेको बताए । उनले कसैको नाम नलिई प्रदेश २ का मुख्यमन्त्रीलाई लक्षित गर्दै  राष्ट्रिय नीतिभन्दा फरक ढंगको अभिव्यक्ति आएको प्रति असन्तुष्टी जनाए ।