By एभरेष्ट अन्लाईन खबर 
काठमाडौं । मध्यपश्चिमाञ्चलमा आगामी बर्ष आयोजना हुने आठौं राष्ट्रिय खेलकुदको मिति तय भएको छ । राष्ट्रिय खेलकुद परिषद् (राखेप) को बुधबार बसेको बोर्ड बैठकले आठौं राष्ट्रिय खेलकुद मंसिरमा गर्ने निर्णय गरेको छ ।
राखेपका अध्यक्ष युवा तथा खेलकुद मन्त्री जगतबहादुर सुनार (विश्वकर्मा) को अध्यक्षतामा सातदोबाटोमा बसेको बोर्ड बैठकले आठौं राष्ट्रिय खेलकुद मंसिर २१ देखि २८ गतेसम्म गर्ने निर्णय गरेको हो ।
आठौं राष्ट्रिय खेलकुदको लोगो र मस्कट सार्वजनिक भैसकेको छ । यसअघि सातौं राष्ट्रिय खेलकुद पूर्वान्चलमा भएको थियो ।
