By एभरेष्ट अन्लाईन खबर 
एजेन्सी । ११औं संस्करणको आइपीएल शनिवारबाट सुरु भएको छ । यो संस्करणको पहिलो खेलमा चेन्नई सुपर किंग्स र मुम्बई इन्डियन भिडिरहेका छन ।
चेन्नईको घरेलु मैदानमा भैरहेको खेलका लागि दर्शकहरुसमेत निकै उत्साहित छन् । आइपिएल स्पट फिक्सिङ घटनापछि दुई वर्षका लागि निलम्बित चेन्नई सुपर किंग्स यसपटक प्रतियोगितामा सहभागी भएकाले पनि चेन्नईमा हुने यो म्याच घरेलु दर्शकका लागि महत्वपूर्ण भएको छ ।
मुम्बई इन्डियन्स साविक बिजेता टिम हो । यी दुवै टिमबीचको भिडन्त निकै रोमाञ्चक हुने निश्चित छ ।
