वर्षाले घर भत्किँदा भक्तपुरमा ५ जना घाइते

भक्तपुर,चैत ।
दुई दिन परेको भारी वर्षाका कारण बुधबार साँझ सूर्यविनायक नगरपालिका–१० चित्तापोल खुलाल गाउँमा घर भत्किँदा पाँचजना घाइते भएका छन् । स्थानीयवासी विदुर थापाको इँटा माटोले बनेको कच्ची घर भत्किँदा सोही घरमा बस्ने पाँचजना घाइते भएको महानगरीय प्रहरी परिसर भक्तपुरले जनाएको छ ।
घटनामा ५० वर्षीया पशुपति थापा, २१ वर्षीया सारदा थापा, १८ वर्षीय उमेश थापा, २१ वर्षीय रोशन थापा र २० वर्षीया सरिना थापा घाइते भएको प्रहरीले जनाएको छ ।
घाइतेको काभ्रेको धुलिखेल अस्पतालमा उपचार भइरहेको छ । अहिले घाइतेको अवस्था सामान्य रहेको छ । घर भत्किँदा १३ लाख रुपैँया बराबरको धनमाल क्षति भएको छ ।