By एभरेष्ट अन्लाईन खबर 
बीबीसी । फ्रान्स सरकारले पूर्व राष्ट्रपति निकोलस सार्कोजीविरुद्ध पदमा रहँदा भ्रष्टाचार गरेको अभियोगमा औपचारिक अनुसन्धान थालेको छ ।
सार्कोजीले राष्ट्रपति पदमा रहँदा लिबियाका तत्कालिन शासक मुआम्मर गद्दाफीसँग एक अभियानमा सहयोग स्वरुप ठूलो रकम लिएको आरोप छ । सार्कोजीले अवैध अभियानलाई आर्थिक सहयोग गरेको, लिबियाले सार्वजनिक कोषका लागि प्रदान गरेको सहयोग रकमको दुरुपयोग गरेको र नीतिगत भ्रष्टाचार गरेको पनि आरोप लगाइएको छ ।
यसबारे फ्रेन्च प्रहरीले लगातार २ दिनसम्म सार्कोजीसँग सोधपुछ गरेको जनाइएको छ । ६३ बर्षीय सार्कोजीले भने आफूले कुनै पनि गलत काम नगरेको दाबी गर्दै आएका छन । सन् २०१२ मा राष्ट्रपतीय निर्वाचनमा हार ब्यहोरेपछि नै सार्कोजीविरुद्ध पदीय दुरुपयोग गरेको आरोप लागेको थियो ।
