By एभरेष्ट अन्लाईन खबर 
काठमाडौं । पूर्व युवराज पारस शाहलाई काठमाडौंमा मंगलबार पञ्चेबाजी बजाई स्वागत र सम्मान गरिएको छ । टोपी र दौरा सुरुवालसहित देखा परेका शाहको सम्मानमा स्थानीयवासी एवम राजसंस्था समर्थकहरुले ठूलै तामझाम गरेका थिए ।
१२ वडाका राष्ट्रवादी समूहको आयोजनामा पारसलाई टेकुमा रहेको पचली भैरवमा पूजाका लागि निमन्त्रणा गरिएको थियो। बिहान ११ बजेपछि आएका पारसलाई मन्दिर परिसरमा रातो कार्पेट बिछ्याई, पन्चेबाजा बजाई स्वागत गरिएको हो ।
उनका समर्थकहरुले राजा आऊ देश बचाऊको नारा लगाएका थिए। समर्थकहरुले राजदण्ड र पारसको फोटोसहितको ब्याच बनाएर बाँडेका थिए।
पूर्व युवराज शाह यसअघि माघ १६ गते उनी पशुपति मन्दिरमा पूजाआजाका लागि पुगेका थिए।
