By एभरेष्ट अन्लाईन खबर 
एजेन्सी । स्पेनिस ला लिगा फुटबलमा गेटाफेले सेल्टा भिगोलाई पराजित गरेको छ । गेटाफेले सेल्टालाई ३ – ० ले हराएको हो ।
घरेलु मैदानमा गेटाफेलाई जित दिलाउन एन्जल रोड्रीगेजले दुई तथा जोर्गे मोलिनाले एक गोल गरे । सेल्टाविरुद्ध सहज जित निकाल्ने क्रममा गेटाफेले पहिलो हाफमा एक तथा दोस्रो हाफमा दुई गोल गरेको थियो ।
जितसँगै २५ खेलबाट ३३ अंक जोडेको गेटाफे लिगको नवौ स्थानमा उक्लिएको छ । पराजित सेल्टा ३२ अंक जोडेर ११ औं स्थानमा रहेको छ । लीगको शिर्ष स्थानमा बार्सिलोना, दोस्रो स्थानमा एथ्लेटिको मड्रिड र तेस्रो स्थानमा भ्यालेन्सिया रहेको छ ।
