By एभरेष्ट अन्लाईन खबर 
काठमाडौं । निर्वाचन आयोगले प्रतिनिधिसभा सदस्य निर्वाचनको समानुपातिक सांसदको बन्दसूची सच्याउन दलहरुलाई पत्राचार गरेको छ । आयोगले फागुन २ गते बुधवार साँझसम्ममा सूची सच्याउन आग्रह गर्दै पत्र लेखेको आयोग प्रवक्ता नवराज ढकालले जानकारी दिनुभयो ।
आयोगले अन्तिम बन्दसूचीको समावेशी समूहको प्राथमिकता क्रमलगायतका आधारमा उम्मेदवार छनौट गरी नाम सिफारिस गर्न पुनः दुई दिनको समय थपेको हो ।
आयोगले उनीहरुलाई प्रतिनिधि सभा सदस्य निर्वाचन ऐन, २०७४ अनुसार, समावेशी समूहको प्राथमिकता क्रमलगायतका आधारमा उम्मेदवार छनौट नभएकाले फागुन २ गते पाँचबजेभित्र नामावली सच्याएर आयोगमा पेश गर्न भनेको छ ।
