By एभरेष्ट अन्लाईन खबर 
काठमाडौं । राष्ट्रकवि माधवप्रसाद घिमिरेले नेपाल सरकारले आफूलाई नेपाली सेनाको मानार्थ सहायक रथीको दर्जा दिएकामा खुशी व्यक्त गर्नुभएको छ ।
सरकारले शुक्रबार राष्ट्रकवि घिमिरेलाई सेनाको मानार्थ सहायक रथीको दर्जा दिने निर्णय गरेको थियो । कवि घिमिरेले नेपाली सेना देशको अनुशासनमा रहेको एक मात्र संस्था भएको उल्लेख गर्दै देशको माटो र गरिमाको रक्षाका लागि सबै एकजुट हुनुपर्ने धारणा राख्नुभयो ।
राष्ट्रकवि घिमिरेको बहुप्रतिक्षित ‘ऋतम्भरा’ महाकाव्य साझा प्रकाशनले प्रकाशन गर्ने भएको छ । प्रकाशनका अध्यक्ष तथा महाप्रबन्धक डोलिन्द्रप्रसाद शर्माले पुल्चोकस्थित साझा प्रकाशनमा पुनःनिर्माण हुन लागेको भवनमा ‘राष्ट्रकवि हल’ बनाउने तयारी भैरहेको पनि जानकारी दिनुभयो ।
