By एभरेष्ट अन्लाईन खबर 
रोल्पा । निर्वाचनका उम्मेदवारसहित दलका नेताहरुमाथि आक्रमणकोक्रम अझै रोकिएको छैन । गृहमन्त्रालयले सुरक्षा व्यवस्था चुस्त पारेको जनाएपनि दैनिक बम बिष्फोटनका घटना बढिरहेका छन ।
शुक्रवार रोल्पामा पूर्वसभामुख ओनसरी घर्तीमगरलगायत माओवादी केन्द्रका नेताहरुलाई लक्षित गरी बम प्रहार भएको छ । पूर्वसभामुख घर्तीसहित माओवादी केन्द्रका नेताहरु कृष्णबहादुर महरा र वर्षमान पुन चढेको गाडीलाई लक्षित गरी दुईओटा बम प्रहार भएको हो । उनीहरू फरक–फरक गाडीमा सवार थिए ।
लिवाङमा वाम गठबन्धनले आयोजना गरेको जनसभालाई सम्बोधन गर्न प्रहरीको स्कर्टिङमा जाँदै गर्दा लिवाङ र सादोबाटोको बीचमा पर्ने भदौरे जंगलबाट बम प्रहार भएको हो ।
घटनामा कुनै क्षति नभएको जिल्ला प्रहरी कार्यालय रोल्पाले जानकारी दिएको छ ।
