By एभरेष्ट अन्लाईन खबर 
बिबिसि । स्पेसिन लिग फुटबलमा बार्सिलोनाले लास पाल्मासलाई ३–० ले हराएको छ । स्पेनको बार्सिलोना रहेको क्याटलोनिया राज्यमा घोषित जनमत संग्रहका कारण खेल सार्न बार्सिलोनाले गरेको आग्रह ला लिगा अधिकारीहरुले अस्विकार गरेपछि विरोधस्वरुप यो खेल बन्द रंगशालामा विना कुनै दर्शक खेलाइएको थियो ।
खेलमा बार्सिलोनालाई विजयी गराउन लियोनल मेस्सीले दुई तथा सर्जियो बुस्केट्सले एक गोल गरे । स्पेनिस लिगकै अर्को खेलमा रियाल मड्रिडले ईस्पानियोललाई २–० ले हरायो ।खेलमा रियाल मड्रिडलाई विजयी गराउन दुबै गोल इस्कोले गरे ।
ला लिगाकै अन्य खेलहरुमा भियारियालले आईबारलाई ३–० ले हराउँदा भ्यालेन्सियाले एथ्लेटिक बिल्बाओमाथि ३–२ को जित निकाल्यो । रियाल सोसिडाड र रियाल बेटिसले ४–४ गोलको बराबरी खेले ।
स्पेसिन ला लिगामा ७ खेलबाट २१ अंक जोडेको बार्सिलोना पहिलो स्थानमा छ ।
