ब्रेकिङ: काठमाडौंमा राजनीतिक भूकम्प! बालेन र रविको ‘महागठबन्धन’ तयारी, के ढल्न लागेकै हो त पुराना शक्तिको विरासत?

चिसो काठमाडौंको ठिहीलाई माथ दिँदै बिहीबार नेपालको राजनीतिक वृत्तमा एउटा यस्तो ‘तातो’ खबर फैलियो, जसले बालुवाटारदेखि देउवा निवास बूढानीलकण्ठसम्मको ढुकढुकी बढाएको छ। लामो समयदेखि पर्दाभित्र भइरहेको भनिएको ‘नयाँ शक्ति’ निर्माणको कसरत अब सतहमा आएको छ।

काठमाडौं महानगरका मेयर बालेन साह र राष्ट्रिय स्वतन्त्र पार्टी (रास्वपा) का सभापति रवि लामिछानेबीचको सघन भेटवार्ता र नयाँ वैकल्पिक शक्ति निर्माणको बहसले नेपाली राजनीतिमा ‘मध्यावधि’ तरंग पैदा गरेको छ।

बालेनको ‘बोल्ड’ सन्देश: अब मैदानमै उत्रने घोषणा!
अहिलेसम्म महानगरको कार्यकक्षमा सीमित देखिने बालेन साहले अब आफूलाई ‘सक्रिय राष्ट्रिय राजनीति’ मा होम्ने स्पष्ट संकेत दिएका छन्। निकट स्रोतका अनुसार बालेनले अबको चुनावमा ‘कोर’ राजनीतिक शक्ति बनेर पुराना दलहरूलाई चुनौती दिने तयारी थालेका छन्।

“पुरानो तरिकाले देश चल्दैन, अब नयाँ भिजनसहितको शक्ति एकीकृत हुनुको विकल्प छैन,” बालेनको यो सन्देशले सामाजिक सञ्जाल मात्र होइन, संसद भवनसम्म हलचल ल्याएको छ।

रवि र बालेनको ‘केमेस्ट्री’: कस्तो बन्दैछ नयाँ समीकरण
रास्वपा सभापति रवि लामिछाने र बालेन साहबीचको पछिल्लो भेटलाई केवल ‘शिष्टाचार’ मान्न कोही तयार छैनन्। राजनीतिक विश्लेषकहरूका अनुसार यी दुई चर्चित पात्रहरूबीच ‘मिशन ८४’ मात्र नभई, त्योभन्दा अगाडि नै एउटा शक्तिशाली मोर्चा बनाउने सहमति भएको छ। यसले गर्दा स्थापित पुराना दलहरू (कांग्रेस, एमाले र माओवादी) रक्षात्मक अवस्थामा पुग्ने निश्चित देखिएको छ।

वैकल्पिक शक्तिको एकता: छरिएर रहेका नयाँ शक्तिहरू एकै ठाउँमा आउँदा जनमतको ठूलो हिस्सा उनीहरूको पक्षमा जाने डर।

युवा आकर्षण: बालेन र रविको क्रेज युवा पुस्तामा अत्याधिक हुनु।

पुरानो शक्तिप्रतिको वितृष्णा: डेलिभरी दिन नसकेका पुराना दलहरूविरुद्ध ‘न्युट्रल’ मतदाताहरूको झुकाव नयाँतर्फ बढ्नु।राजनीतिक बजारमा अब एउटा नयाँ भाष्य स्थापित हुन थालेको छ– “नयाँ भर्सेस पुराना”। यदि बालेन र रवि एउटै कित्तामा उभिए भने आगामी निर्वाचनमा कतिपय ‘हेभीवेट’ नेताहरूको जमानत जफत हुन सक्ने आंकलन समेत सुरु भएको छ।

के बालेनले अब महानगरको मेयर पदबाट राजीनामा दिएर देशव्यापी अभियान चलाउलान्? वा रवि लामिछानेसँग मिलेर नयाँ राजनीतिक दलको घोषणा गर्लान्? यो त समयले नै बताउनेछ, तर बिहीबारको यो सरगर्मीले नेपालको राजनीति अब ‘यू-टर्न’ लिने मोडमा पुगेको संकेत भने स्पष्ट दिएको छ।