By एभरेष्ट अन्लाईन खबर 
एजेन्सी । स्पेनिस ला लिगा फुटबल अन्तर्गत रियाल मड्रिडले भ्यालेन्सीयालाई पराजित गरेको छ । रियालले पाहुना टोली भ्यालेन्सीयामाथि २–० जित निकाल्दा लुकास भान्जकेजले १ गोल गरेका थिए । ८ औं मिनेटमा ड्यानियलको आत्मघाती गोलबाट रियालले अग्रता बनाएको थियो ।
ड्यानी कार्भाजनको क्रसलाई क्लियर गर्ने क्रममा ड्यानियले आफ्नै पोष्टमा गोल गरेका थिए । पहिलो हाफमा उपहार गोलबाट अग्रता बनाएको रियालले ८३ औं मिनेटमा अग्रता दोब्बर बनाएको थियो । करीम बेन्जीमाको पासमा लुकास भान्जकेजले गोल गर्दै टोलीको जित सुनिश्चित पारेका थिए ।
जितपछि रियालले शिर्षस्थानमा रहेको सेभिल्ला र दोस्रो स्थानमा रहेको बार्सिलोनासंग अंकदूरी घटाएको छ ।
