वरिष्ठ कलाकार मनुजबाबु मिश्रको निधन

काठमाडौ,साउन ।
वरिष्ठ चित्रकार एवं साहित्यकार मनुजबाबु मिश्रको ८३ वर्षको उमेरमा गएराति हृदयाघातका कारण निधन भएको छ । आफ्नै निवासमा सुतेको अवस्थामा राति दुई बजे उनको निधन भएको पारिवारिक स्रोतले जनाएको छ । उच्च रक्तचापबाट ग्रसित मिश्र लामो समयदेखि आफ्नो निवासबाट बाहिर निस्केका थिएनन् ।
उनको आत्मकथा ‘हर्मिताजःअढाइ दशक गुफामा’ दुई वर्षअघि प्रकाशित भएको थियो ।  मिश्र विवेकशील साझा पार्टीका संयोजक रवीन्द्र मिश्रका पिता हुन् । कान्छो छोरा विदेशबाट आएपछि सम्भवतः बिहीबार मिश्रको अन्त्येष्टि गरिने छ । उनका श्रीमती, दुई छोरा र दुई छोरी छन् ।