टिमुरेको पहिरोमा मृत्यु हुनेको स‌ंख्या ८ पुग्यो

रसुवा । गोसाइकुण्ड गाउँपालिका-२ टिमुरेमा  पहिरोमा मृत्यु हुनेको स‌ंख्या ८ पुगेको छ । १ जना अझै बेपत्ता छन् । मृत्यु हुनेमा सिन्धुपाल्चोकको जिल्ला भोटेकोसी गाउँपालिका–५ का श्याम श्रेष्ठ, विक्रम श्रेष्ठ, मंगले तामाङ, भोटेकोसी–४ का रेशम खड्का रसुवा जिल्ला गोसाइकुण्ड गाउँपालिका–१ थुमन का मिङमार गुम्बु तामाङ, गाउँपालिका–२ टिमुरेका दोर्जे वाङजु घले, नुवाकोटका रमेश तामाङ र शर्मिला कमिनी रहेको प्रहरीले जनाएको छ । बेपत्ताको खोजी भइरहेको छ ।