By एभरेष्ट अन्लाईन खबर 
काठमाडौं । राष्ट्रियसभा सदस्यमा केपी ओली सरकारद्वारा सिफारिस गरिएका तीन सदस्य शपथ ग्रहण गर्नबाट वञ्चित भएका छन । ओली सरकारद्वारा सिफारिस भएर राष्ट्रपतिबाट मनोनित पनि भएका सदस्यहरु डा युवराज खतिवडा, रामनारायण बिडारी र डा विमला पौडेलको सुनुवाइ स्थगित भएपछि उनीहरु शपथ लिनबाट वञ्चित भएका हुन ।
निवेदक पक्षका अधिवक्ता बाबुराम जोशीले सर्वोच्चका न्यायाधीश प्रकाश राउतको इजलासले अन्तरकालीन आदेश जारी गरेकाले उनैले फेरि मुद्दा फेर्न नमिल्ने कुरा उठाएपछि इजलास स्थगित भएको सर्वोच्च अदालतले जनाएको छ । राष्ट्रियसभा सदस्यमा मनोनित भएका तीनजनाको मुद्दा सुनुवाइका लागि न्यायाधीशद्वय हरिकृष्ण कार्की र प्रकाश रावतको इजलास तोकिएको थियो।
विवाद अदालतमा पुगेपछि फागुन १३ गते आइतबार न्यायाधीश प्रकाशमान सिंह राउतको एकल इजलासले राष्ट्रियसभा सदस्यमा मनोनित तीनैजनाको शपथ तत्कालका लागि रोक्न आदेश दिएको थियो ।
