By एभरेष्ट अन्लाईन खबर 
बझाङ । बझाङ जिल्लाको सदरमुकाम चैनपुरमै खानेपानीको हाहाकार भएको छ । उचित काम र व्यवस्थापनको कमजोरीका कारण चैनपुरमा खानेपानीको समस्या भएको हो ।
वार्षिक खानेपानी मर्मत भनेर विभिन्न निकाय र जयपृथ्वी नगरपालिकाबाट करोडौँ रकम विनियोजन गरिन्छ तर त्यसको उचित व्यवस्थापन हुन सकेको छैन ।
अध्ययनका लागि चैनपुरमा डेरा लिएर बस्नुपर्ने बाध्यतासंगै पानीका लागि दुई घण्टा टाढाबाट खानेपानी बोकेर ल्याउनुपर्दा पढाइमा असर परेको छ भने दिसा धुने पानी नपाउँदा दिसामुक्त जिल्ला घोषणाको पनि कुनै औचित्य देखिएको छैन ।
होस्टेलमा बस्ने बालबालिकालाई स्वच्छ पानी पिउन त परै जाओस् हातमुख धुन पनि साहै्र समस्या भएको छ । दैनिक पानी दिने ठाउँमा तीन दिन र चार दिन पछि पानी आउने भएपछि बाउली खोलाको दूषित पानी उपभोग गर्न सर्वसाधारण बाध्य छन ।
