By एभरेष्ट अन्लाईन खबर 
काठमाडौं । संघीय समाजवादी फोरम नेपालका अध्यक्ष उपेन्द्र यादवले राष्ट्रियसभा गठन सम्बन्धी अध्यादेश नरोक्न राष्ट्रपति विद्यादेवी भण्डारीलाई सुझाव दिएका छन ।
राष्ट्रपति भवन शीतल निवासमा भएको भेटमा अध्यक्ष यादवले सरकारले पेश गरेको अध्यादेश रोक्दा गलत सन्देश जाने भन्दै त्यसलाई प्रमाणिकरण गर्न सुझाव दिएका हुन ।
सकारकारले पेश गरेको अध्यादेश राष्ट्रपतिले रोक्न नमिल्ने र परम्परा पनि त्यस्तो नभएकाले कुनै पार्टीको दवावमा त्यसो गरिए नराम्रो सन्देश जाने यादवले स्पष्ट शब्दमा बताएका थिए ।
जवाफमा राष्ट्रपति भण्डारीले अध्यादेशमा दलहरुले सहमति जुटाए त्यसको झन राम्रो सन्देश जाने भएकाले सहमतिमै जोड दिएको बुझिएको छ ।
