ललितपुरको बालकुमारीमा सडक दुर्घटना, एकजनाको मृत्यु

ललितपुर,पौष ।
ललितपुरको बालकुमारीमा बिहीबार राति भएको सवारी दुर्घटनामा एकजनाको मृत्यु भएको छ । राति पौने ८ बजे बा८च ८७२३ नम्बरको कार र बा८६प ९३९२ नम्बरको मोटरसाइकल आपसमा ठोकिंदा मोटरसाइकल चालक ओखलढुंगा घर भई हाल बालकुमारीस्थित ओसियान अपार्टमेन्टमा बस्दै आएका १६ बर्षीय प्रकाश तामाङको मृत्यु भएको हो ।
गम्भिर घाइते भएका तामाङको उपचारको क्रममा बीएण्डबी अस्पताल ग्वार्को ललितपुरमा राति पौने ९ बजे मृत्यु भएको हो । कार चालकलाई महानगरीय प्रहरी वृत्त सातदोबाटोले नियन्त्रणमा लिएको छ ।