By एभरेष्ट अन्लाईन खबर 
दाङ । नेकपा एमालेका नेताहरुले माओवादीसंगको एकतापछि पार्टी अध्यक्ष, प्रधानमन्त्री र संसदीय दलको नेता एउटै व्यक्ति हुनुपर्ने अभिव्यक्ति दिइरहेकाबेला माओवादी केन्द्रका नेता कृष्णबहादुर महराले दाङबाट त्यसको जवाफ फर्काएका छन । नेता महराले पार्टी एकता हुँदा अध्यक्ष र प्रधानमन्त्री फरक फरक व्यक्ति हुने भन्दै एमाले लाइनको ठीक बिपरित अभिव्यक्ति दिएका हुन ।
महराले भने “पार्टी एकता सम्मानजक हुन्छ, सम्मानजनक पार्टी एकता भनेको पदीय बाँडफाँड सम्मानजनक हुनु पनि हो, अब पार्टी अध्यक्ष र प्रधानमन्त्री फरक फरक व्यक्ति हुने दुबै दलबीच सहमति भइसकेको छ ।”
यसअघि एमाले महासचिव ईश्वर पोखरेलले माओवादीसंगको एकतापछि अध्यक्ष, प्रधानमन्त्री र संसदीय दलका नेता केपी ओली हुने सार्वजनिक अभिव्यक्ति दिएका थिए ।
