By एभरेष्ट अन्लाईन खबर 
काठमाडौं । डा. प्रकाश चन्द्र लोहनी नेतृत्वको एकीकृत राप्रपा राष्ट्रवादीका वरिष्ठ नेता केशरबहादुर विष्ट पशुपति शमशेर राणा नेतृत्वको राप्रपा प्रजातान्त्रिकमा प्रवेश गरेका छन् ।
शनिबार राजधानीमा आयोजित एक कार्यक्रममार्फत बिष्ट राप्रपा प्रजातान्त्रिकमा प्रवेश गरेका हुन् । बिष्ट प्रजातान्त्रिकमा प्रवेश गरेपछि डा. प्रकाशचन्द्र लोहनीले विज्ञप्ति जारी गर्दै ६ महिना एकीकृत राप्रपा राष्ट्रवादीमा रहँदा विष्टले पुर्याएको योगदानप्रति धन्यवाद दिएका छन् । उनले विष्टको राप्रपा प्रजातान्त्रिक पार्टीमा बसाई स्थिर रहोस् भनि कामना समेत गरेका छन् ।
लोहनीको पार्टीमा आबद्ध हुनुअघि विष्टले कमल थापासँग विद्रोह गरेर एकीकृत राप्रपा पार्टी निर्माणको अभियान चलाएका थिए ।
