By एभरेष्ट अन्लाईन खबर 
लमजुङ । ठाडोभाका गायक भेंडीखर्के साइँला (दीर्घराज अधिकारी) को ८५ बर्षको उमेरमा निधन भएको छ । अधिकारीको सोमबार साँझ आफनै निवासमा निधन भएको हो ।
एक महिनादेखि बिरामी रहेका अधिकारीको लमजुङमा उपचार हुन नसकेपछि भदौ २१ गते काठमाडौंको बीर अस्पताल लगिएको थियो । डाक्टरले ‘आराम गराइदिए पुग्छ’ भनेपछि भेंडीखर्केलाई उनकै घर लगिएको थियो ।
लमजुङको सिन्दुरेको तुर्लुङकोटमा वि.सं.१९९० भदौ २९ गते बुवा बलभद्र र आमा नन्दकुमारीको कोखबाट जन्मेका उनी बुवाको भेडीगोठमा बस्थे । बुवालाई स्थानीयले भेडीखर्के भन्थे । तिनै भेडीखर्केको साइँलो छोरा थिए दीर्घराज अधिकारी । तिनका नाम पछि भेडीखर्के साइँला रहन गएको हो ।
