By एभरेष्ट अन्लाईन खबर 
धनगढी । सिके राउतको अभिव्यक्तिविरुद्ध धनगढीमा प्रदर्शन गरिएको छ । असोज ३ गते संविधान दिवसका दिन राउतले दिएको ‘मधेश नेपाल होइन’ भन्ने अभिव्यक्तिका विरुद्ध स्वतस्फुर्त युवा समूह धनगढीले प्रदर्शन गरेको हो ।
र्यालीमा युवाहरुले ‘अखण्ड नेपाल हुनुपर्ने, विखण्डनकारीलाई कारबाही गर्नुपर्ने, हिमाल पहाड तराई कोही छैन पराई, सिके रावतको अभिव्यक्तिप्रति सरकार किन मौन ?,’ लगायतका प्ले कार्ड बोक्दै नाराबाजी गरेका थिए ।
धनगढीको ट्राफिक चौराहबाट सुरु भएकोे प्रर्दशन पार्कमोडमा पुगेर कोणसभामा परिणत भएको थियो । प्रदर्शनका क्रममा नेपालको राष्ट्रिय झण्डा बोकेका उनीहरुले सरकार विरुद्ध पनि नाराबाजी गरेका थिए ।
