By एभरेष्ट अन्लाईन खबर 
एजेन्सी । फ्रान्सेली क्लब पेरिस सेन्ट जर्मेन (पिएसजी) का स्ट्राइकर नेयमार युरोपमा खेल्ने ब्राजिलको उत्कृष्ट फुटबलर चुनिएका छन् । नेयमार लिभरपुलका फिलिप कौटिन्होलाई पछि पार्दै तेस्रो पटक ब्राजिलको उत्कृष्ट खेलाडी बनेका हुन् ।
विश्वका सर्वाधिक महँगा खेलाडी नेयमार ब्राजिलका पूर्वखेलाडी, पत्रकार र समर्थकको भोटका आधारमा यो वर्ष उत्कृष्ट खेलाडी बनेका हुन । भोटिङमा नेयमारले कुल मतमध्ये २७.७१ प्रतिशत मत पाएका थिए । दोस्रो स्थानमा रहेका कौटिन्होले १६.६४ प्रतिशत मत पाए ।
नेयमार यसअघि सन् २०१४ र २०१५ मा ब्राजिलको उत्कृष्ट खेलाडी बनेका थिए । नेयमार बार्सिलोनाबाट यो सिजन कीर्तिमानी मूल्य १८९ मिलियन पाउण्डमा पिएसजी आएका हुन् ।
