By एभरेष्ट अन्लाईन खबर 
डोटी । सरकारले सातवटै प्रदेशका अस्थायी सदरमुकाम तोकेपछि बिभिन्न क्षेत्रमा त्यसप्रति असन्तुष्टि बढेको छ । प्रदेश नम्बर ७ को राजधानी डोटीको दिपायल हुनुपर्ने माग गर्दै अनिश्चितकालीन डोटी बन्दको आव्हान गरिएको छ ।
बन्दको कारण दिपायल, पिपल्ला र सिलगढी बजार पूर्ण रुपमा बन्द हुँदा जनजीवन प्रभावित बनेको छ । एकसाता अघिदेखि दिपायललाई प्रदेश राजधानी बनाउनु पर्ने माग गर्दै डोटीबासीले चरणबद्ध आन्दोलन गर्दै आएका छन् ।
उता, प्रदेश नम्बर १ को राजधानी धनकुटा हुनुपर्ने माग गर्दै आन्दोलित त्यहाँका बासिन्दाले पनि धनकुटा अनिश्चितकालका लागि बन्द गरेका छन । आफूहरुको माग बिपरित प्रदेश १ को मुकाम बिराटनगर तोकेपछि उनीहरु आक्रोशित भएका हुन ।
