By एभरेष्ट अन्लाईन खबर 
काठमाडौं । सभामुख कृष्णबहादुर महराले संसदमा उठेका विभिन्न सवालहरुको जवाफ दिन सरकार तथा मन्त्रीहरुलाई रुलिङ गरेका छन् ।
प्रतिनिधिसभाको सोमबारको बैठकमा सांसदहरुले आफूले उठाएका जल्दाबल्दा समस्याको समाधान गर्न सरकार उदासिन भएको भन्दै आपत्ति जनाएपछि सभामुख महराले सरकार र मन्त्रीहरुलाई रुलिङ गरेका हुन् ।
प्रतिनिधिसमा नियमावलीको दफा १५ (२) संसदमा उठेका कुनै पनि विषयको जवाफ सम्बन्धित मन्त्रीले पाँच दिनभित्र लिखित वा मौखिक रुपमा दिनुपर्ने व्यवस्था गरे पनि मन्त्रीहरुले जवाफ दिएका छैनन् ।
बैठकमा सांसद विमलकुमार श्रीवास्तवले आफूले उठाएका सवालको जवाफ र समस्या समाधानका लागि सरकारले चासो नदिएको भन्दै आपत्ति जनाएका थिए ।
सोमबार पनि सांसदहरुले देशका जल्दा बल्दा विषयमा सरकारको ध्यानाकर्षण गराएका थिए ।
