By एभरेष्ट अन्लाईन खबर 
एजेन्सी । भारतीय सुपरस्टार सलमान खानलाई ज्यान मार्ने धम्कि आएपछि सुरक्षा व्यवस्था निकै कडा बनाइएको छ ।
केहि दिन अगाडि लोरेन्श बिस्नोई नामका ग्याङ्स्टारले खुलेआम ज्यान मार्ने धम्की दिएपछि सलमानको सुरक्षा बढाइएको हो ।
सलमान खानलाई कालो हरिणको शिकार गरेको मुद्दाको सुनुवाईको लागि जयपुर कोर्ट जाने बेला यस्तो धम्की आएको थियो । त्यो बेलामा लोरेन्सको धम्कीमा कसैले धेरै ध्यान दिएको थिएनन् तर सन् २०१८ को मे ६ मा हरियाणा पुलिसले लोरेन्सको एक खबरीलाई पक्रिएपछि लोरेन्सको पूरै योजना थाहा भएको हो ।
लोरेन्सको पूरै योजनाबारे पक्राउ परेका व्यक्तिले जानकारी दिएपछि सलमानको सुरक्षा बढाइएको हो ।
